Cuireann Comhairle Dhearaidh agus Cheardaíochta na hÉireann (DCCI) dhá thaispeántas nua i láthair, Illuminations: Selected works of Holger Strøm agus Cartoon Saloon mar chuid de Sheachtain Dearaidh na hÉireann DCCI 2023.

Is iad na scannáin a ainmníodh do Ghradam an Acadaimh, The Secret of Kells (2009), Song of the Sea (2015) agus WolfWalkers (2020), tríológ Bhéaloideas Éireann a chruthaigh cartoon Saloon, stiúideo beochana atá lonnaithe i gCill Chainnigh.

Déanann na trí scannán an béaloideas agus an mhiotaseolaíocht a fhí isteach san insint, rud a chruthaíonn nasc domhain idir na carachtair, a n-eachtraí agus oidhreacht shaibhir chultúrtha na hÉireann, rud a léiríonn ábharthacht bhuan bhéaloideas na hÉireann sa scéalaíocht chomhaimseartha.

Cuireann an taispeántas seo rogha radharcanna ríthábhachtacha ó na scannáin i láthair in éineacht le leabhair a dhéanann iniúchadh ar dhéanamh gach scannáin, a léiríonn an stíl fhísiúil uathúil agus an bheochan lámhdhéanta fíorálainn a bhfuil clú agus cáil idirnáisiúnta bainte amach ag an stiúideo dó.

Coimeádaithe ag Steven McNamara