Mar an ghníomhaireacht Rialtais a bhfuil sé de chúram uirthi abhcóideacht a dhéanamh ar son earnáil an Dearaidh agus na Ceardaíochta in Éirinn, is féidir linn ról spreagúil a thairiscint a chuirfidh taithí luachmhar ar fáil duit agus tú ag dul chun cinn ar do chosán gairme roghnaithe.
Go háirithe, táimid ag lorg beirt chéimithe chun páirt a ghlacadh inár bhfoireann, agus teacht isteach inár n-eagraíocht ag am spreagúil.
Tá deis iontach againn do chéimí páirt a ghlacadh inár bhFoireann Tráchtála , agus a bheith mar chuid den fhoireann a chuireann chun cinn agus a fhorbraíonn tionscal dearaidh agus ceardaíochta na hÉireann. I ról an Chéimí Tráchtála, oibreoidh tú ar roinnt tionscadal spreagúla, lena n-áirítear inár nGailearaí Náisiúnta Dearaidh agus Ceardaíochta agus níl aon dá lá mar a chéile! Gheobhaidh tú réimse leathan scileanna ar nós géarchúis tráchtála, bainistíocht tionscadal, cumarsáid agus rannpháirtíocht le geallsealbhóirí, agus tú tumtha go hiomlán i dtírdhreach ceardaíochta agus dearaidh na hÉireann ag an am céanna.
Táimid ag earcú Céimí Airgeadais dár gclár iarchéime. Teastaíonn daoine uainn atá tiomanta, macánta, solúbtha agus a bhfuil acmhainneacht acu. Tabharfaimid tacaíocht duit i ngach céim den bhealach. Tabharfaimid an deis, na scileanna agus an tacaíocht duit chun do ghairm bheatha rathúil a sheoladh agus do scileanna a éagsúlú. Tar éis ár gcláir iarchéime beidh an t-eolas agus an mhuinín agat chun gairm bheatha san Airgeadas a thógáil.
Céimí Airgeadais
Beidh tú ag obair le foireann bheag ach láidir daoine a bhfuil eolas agus taithí mhór acu, rud a thabharfaidh an deis duit do scileanna a fhorbairt agus do ghairm bheatha a chur chun cinn gan aon ghá le taithí roimhe seo. Gheobhaidh tú oiliúint i dtacaíocht agus cúnamh airgeadais a sholáthar i réimse clár agus i bhfeidhmeanna laethúla na foirne airgeadais. Beidh conradh téarma seasta 18 mí i gceist leis an gclár iarchéime.
Cliceáil anseo le haghaidh cur síos iomlán an phoist .
Foireann Tráchtála
Beidh tú ag obair ar réimse leathan tionscadal tráchtála agus ag obair i nGailearaí Náisiúnta Dearaidh agus Ceardaíochta na hÉireann chomh maith. Ag obair leat beidh foireann daoine a bhfuil eolas agus taithí mhór acu, rud a thabharfaidh an deis duit do scileanna a fhorbairt agus do ghairm bheatha a chur chun cinn gan aon taithí roimhe seo a bheith agat. Gheobhaidh tú oiliúint chun tacaíocht agus cúnamh riaracháin a sholáthar i réimse tionscadal lena n-áirítear ár n-Expo Taispeántais agus ár nGailearaí ar an láthair agus feidhmeanna laethúla na Foirne Tráchtála.
Cad a tharlóidh ina dhiaidh sin?
Má oireann an deis seo do do thuras gairme, ba bhreá linn cloisteáil uait.
Is é Dé hAoine, an 22 Bealtaine 2026 an dáta deiridh atá againn don Chéim Airgeadais .
Is é Dé Máirt, an 19 Bealtaine, 2026 an dáta deiridh don Chéim Tráchtála.
D’fhéadfadh sé go ndúnfaimid níos luaithe má bhíonn líon mór iarratas againn. Molaimid duit iarratas a chur isteach a luaithe is féidir chun díomá a sheachaint.
Má éiríonn leat, tabharfar cuireadh duit freastal ar agallamh. Beidh sé seo ina dheis bualadh leis an bhfoireann a bhféadfá a bheith ag obair leo. Beidh tú in ann do scileanna ábhartha agus d’oiriúnacht don ról a thaispeáint agus aon cheisteanna a chur faoi conas a oibríonn an fhoireann agus cad atá le súil leis sa ról ó lá go lá.
Seo an chéad chéim eile i do shlí bheatha – cuir isteach ar an gclár inniu!
Ríomhphost: [email protected] agus 'Céimí Airgeadais' nó ' Céimí Tráchtála ' sa líne ábhair
